موضوع: مراتك......ولا......شغلك !!!!!!!!!!!!!!!!! الأربعاء مارس 26, 2008 1:16 am
كل نساء العالم يتهمن أزواجهم بأنهم بيحبو الشغل أكثر منهم
وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:
أولا .........الشغل بيصرف عليّ .... بس أنا اللي أصرف عليها!!!
ثانيا........في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هيجيب نتيجة ...
ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك .. هيهات ..أنسى …..
رابعا ........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. حمار .. أي حاجة مش ممكن ترضيها !!!
خامسا.......في الشغل من حقك تاخد أجازه...عندك عارض واعتيادي
دا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!
سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه
سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال
ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....
أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش
تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........
عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين
في النهاية ... بتحب مين أكتر...مراتك ولا شغلك ؟؟
أكيد مراتك ... أحسن يوقع الكلام دة في ايدها ... تبقى مصيبة
الفرعون مشرف
عدد الرسائل : 80 تاريخ التسجيل : 28/03/2008
موضوع: رد: مراتك......ولا......شغلك !!!!!!!!!!!!!!!!! الجمعة مارس 28, 2008 8:42 am
انا موافقك على الكلام ده كله الا حاجه واحده انت قولت لو عملت قرد او حمار مش ممكن ترضيها النساء تحب مجموعه من الحيوانات الثعلب لانهم بيلبسو الفرو بتاعه والثعبان لانهم بيحبو شكله في الدهب وهو ملفوف حولين ايديهم واعناقهم والتمساح لانهم بيلبسو جلده لما بيتعمل شنط وجزم والخنزيره لانهم بيحبو يركبوها والحمار الي بيجبلهم كل ده يبقي اكيد الحمار ممكن يرضيهم
Admin Admin
عدد الرسائل : 285 تاريخ التسجيل : 11/03/2008
موضوع: رد: مراتك......ولا......شغلك !!!!!!!!!!!!!!!!! السبت مارس 29, 2008 12:06 am
برضوا وجهة نظر
منور يا فرعون
elkontessa نوبي ممتاز
عدد الرسائل : 146 تاريخ التسجيل : 05/04/2008
موضوع: رد: مراتك......ولا......شغلك !!!!!!!!!!!!!!!!! الأربعاء أبريل 09, 2008 9:46 am
بس انا متعارضة مع وجهتك نظركم لانكم شايفين المراة او الزوجه غلط وانا هرد عليكم بموضوع فى المنتدى لو عملتوا بالللى فيه اكيييييييييييييييييد هتقولوا طبعا مراتى احسن لانكم هتشوفوا الفرق فى الحياة ولو ما شوفتوش و فضلت زى ما هى يبقى ساعتها هيكون عندكوا حق وطبعا هتكون برده مراتك احسن من شغلك
Admin Admin
عدد الرسائل : 285 تاريخ التسجيل : 11/03/2008
موضوع: رد: مراتك......ولا......شغلك !!!!!!!!!!!!!!!!! الخميس أبريل 10, 2008 12:24 am
elkontessa كتب:
بس انا متعارضة مع وجهتك نظركم لانكم شايفين المراة او الزوجه غلط وانا هرد عليكم بموضوع فى المنتدى لو عملتوا بالللى فيه اكيييييييييييييييييد هتقولوا طبعا مراتى احسن لانكم هتشوفوا الفرق فى الحياة ولو ما شوفتوش و فضلت زى ما هى يبقى ساعتها هيكون عندكوا حق وطبعا هتكون برده مراتك احسن من شغلك
واحنا مستنيين الموضوع اللي هيغير وجهة نظرنا
بس دي كلها وجهات نظر ساخره على وضع أغلبية وليس الكل
يعني هتلاقي رجاله كتييير بتقول العكس
بس الاغلبية اكيد هتوافقني الرأي
شكرا على مرورك الكريم
-
H@bHob نوبي جامد
عدد الرسائل : 55 تاريخ التسجيل : 05/04/2008
موضوع: رد: مراتك......ولا......شغلك !!!!!!!!!!!!!!!!! الخميس أبريل 10, 2008 1:36 am
تملي ظالمين الزوجة معاكم
وائل منير نوبي جديد
عدد الرسائل : 14 الموقع : المدينــــــــــة المنــــــــــــــورة تاريخ التسجيل : 11/04/2008
موضوع: رد: مراتك......ولا......شغلك !!!!!!!!!!!!!!!!! السبت أبريل 12, 2008 9:51 am
سلام الله عليكم
المحترم / Admin
موضوعك جميل بصراحه خاصة شرحه بخفة الدم هذه .
وكثير من تلك المواقف التي ذكرتها صحيحه
ولكن أعتقد من وجهة نظري :
إذا تواجد التفاهم & الرضا & القناعة بما عليه الزوجين من أحوال وظروف
فأعتقد أني سوف أختار :
مراتي حتي تحمسني علي متابعة شغلي .
و
شغلي حتي أستطيع العيش مع زوجتي .
****************
تقبل مروري
Admin Admin
عدد الرسائل : 285 تاريخ التسجيل : 11/03/2008
موضوع: رد: مراتك......ولا......شغلك !!!!!!!!!!!!!!!!! الثلاثاء أبريل 15, 2008 1:15 am
H@bHob كتب:
تملي ظالمين الزوجة معاكم
والله تملي هي اللي بتكون ظلمه نفسها
Admin Admin
عدد الرسائل : 285 تاريخ التسجيل : 11/03/2008
موضوع: رد: مراتك......ولا......شغلك !!!!!!!!!!!!!!!!! الثلاثاء أبريل 15, 2008 1:19 am
وائل منير كتب:
سلام الله عليكم
المحترم / Admin
موضوعك جميل بصراحه خاصة شرحه بخفة الدم هذه .
وكثير من تلك المواقف التي ذكرتها صحيحه
ولكن أعتقد من وجهة نظري :
إذا تواجد التفاهم & الرضا & القناعة بما عليه الزوجين من أحوال وظروف
الأحد يناير 13, 2013 1:25 pm من طرف Hassan Sayed
