ازاى تبقى رومانسى

1-
لما تكون شريكة حياتك مسافره كده او رايحه مشوار بعيد شوية تقولها وانت بتسبل بعينك كده: حبيبتي انا قلقان عليكي من المشوار ده وعلشان كده انا جيبتلك بودي جارد يحرسك
وتبتسم ابتسامة حلوة كده وتطلّعلها دبدوب صغير من ابو 15 او 20 جنيه
*******
2-
فى اي مناسبة عاطفية كده عيد الحب مثلا اشتري كام ورده حمرا بس تكون حقيقية يعني 10 او 20 كده وهات واحدة بلاستيك وحطها في النص وكارت صغير من المكتبة اللى على اول شارعكم واكتب: هافضل احبك لحد اخر وردة ما تدبل
*******
3-
طبعا اكتر الطرق لاسعاد حبيبتك لو بتشتغل ابعتلها في مقر شغلها باقة ورد كده جميلة وكلمتين حلوين برضه في كارت
اكيد طبعا في الشغل بقى زمايلها هيقولوا شوفتوا الحب يا ولاد وتعليقات حلوه كده هتخليها تحبك اكتر
*******
4-
لو حبيبتك عندها قط صغير بتحبه وكل ما تيجي تقولها كلمتين حب تقولك اسكت ده القط بتاعي عمل كذا النهارده يبقى انت في عيد ميلادها وانت جايبلها هدية هات للقط الغلبان ده هدية كمان
*******
5-
طبعا معظم البنات مش بيعرفو يطبخوا
يعني احتمال كبير مراتك تكون زي الفل فى الطبيخ وتقضوها تيك اواى المهم في مرة وانت بتطلب بيتزا مثلا اطلب منهم يقطعوها على شكل قلب
*******
6-
يعني لو مراتك تعبت في البيت كده دور برد خفيف.. بس همه بيحبو يتدلعو علينا.. خدلك انت اجازه من الشغل وخليك جنبها واعملها شوربة.. لو بتعرف.. وشغلها فيلم رومانسي كده وطبعا متنساش شوية عصير ليمون او برتقال
*******
7-
في يوم اجازه كده هاتلك شوية بالونات من اللي بيطيروا لوحدهم دول.. فيهم غاز الهيليوم.. واربطهم في شنطة العربية من جوه طبعا واطلع انت ومراتك رحلة رومانسية كده.. يعني شوفلك مكان رومانسي هادي.. وانزلو من العربية واعمل نفسك مشغول في اي حاجة واديلها مفتاح الشنطة بتاع العربية قولها هاتي الجاكيت بتاعك ولاّ اي حاجة.. طبعا هيّ اول ما هتفتح البالونات هتطلع على طول وياسلام لو كنت رابط كارت كبير شوية كده مكتوب عليه بحبك
*******
8-
عارف ياسلام عليك لو في يوم كده صحيت انت بدري وحضّرت الفطار وجبتهولها فى السرير.. تبقى فعلاً فعلاً فنّان

Admin عدد الرسائل : 285 تاريخ التسجيل : 11/03/2008

elkontessa كتب:: عارف ياسلام عليك لو في يوم كده صحيت انت بدري وحضّرت الفطار وجبتهولها فى السرير.. تبقى فعلاً فعلاً فنّان

صباح الفل

لو هي دي الرومانسية

يبقى شكرا

انا عن نفسي مش عايزها
Exclamation

فعلا موضوع جميل بالفعل يا كونتيسه

اما بالنسبة لأدمن أتكلم ولااااااااااااااااااااا

وطبعا أدمن فاهمني

يسلام على الرومانسية دي بس هتقولي لمين

وبالنسبة لأدمن لا تعليق

خليني سكته أحسن

Admin كتب:

elkontessa كتب:: عارف ياسلام عليك لو في يوم كده صحيت انت بدري وحضّرت الفطار وجبتهولها فى السرير.. تبقى فعلاً فعلاً فنّان

صباح الفل

لو هي دي الرومانسية

يبقى شكرا

انا عن نفسي مش عايزها
Exclamation

انا كمن عارفه يا ادمن ان ده هيكون رد فعلك بس انا شايفة انه مافهاش اى مشكلة لو عملت كده على الاقل مرة واحده لانك خليك فاكر هى بتعمل كده كام مرة فى اليوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

m!ss rayhana كتب:: فعلا موضوع جميل بالفعل يا كونتيسه
اما بالنسبة لأدمن أتكلم ولااااااااااااااااااااا
وطبعا أدمن فاهمني

مرسى يا قمر وانا كمان فاهماكى وفاهمة ادمن

H@bHob كتب:: يسلام على الرومانسية دي بس هتقولي لمين
وبالنسبة لأدمن لا تعليق

خليني سكته أحسن

لا بلاش تسكتى وخلى عندك امل واحد فى المليون انه ممكن يجى يوم ويعملو ا الحاجات دى Rolling Eyes

مشرف عدد الرسائل : 80 تاريخ التسجيل : 28/03/2008

انا اللي عاجبني في الموضوع تكرار كلمة كده

ان اسف بس اللي هقوله دلوقتي يا بنات ردي ةرد اغلب الشباب
1 - معنديش 15 او 20 جنيه فكه عشان الدبدوب
2 - معندناش مكتبه على اول شارعنا
3 - الحمد لله ما بتشتغلش
4 -كويس ان مفيش عندها قطه ولو جابت قطه هجبلها كلب يبهدل القطه بتعتها كل يوم
5 - ومين فينا اللي هياكل القلب ده منقسمها 8 مثلثات احسن عشان كل واحد ياخد حقه
6 - الشوربه الوحيده اللي بعرف اعملها متنفعش مع البرد عشان شوربة سمك
7 - معنديش عربيه
8 -المفروض ان اليوم ده هيكون يوم اجزتي واكيد انا مش هقوم من النوم قبليها مينفعش نخليها عشاء ؟؟؟؟

وعلى رأي الشاعر اللي انا مش عارف اسمه
ومتزعلوش يا بنات لو قولنا بصراحه
عمر الجواز يا بنات عمره مكان راحه
وعجــــــــــــــــــــبي

الفرعون كتب:: انا اللي عاجبني في الموضوع تكرار كلمة كده

ان اسف بس اللي هقوله دلوقتي يا بنات ردي ةرد اغلب الشباب
1 - معنديش 15 او 20 جنيه فكه عشان الدبدوب
2 - معندناش مكتبه على اول شارعنا
3 - الحمد لله ما بتشتغلش
4 -كويس ان مفيش عندها قطه ولو جابت قطه هجبلها كلب يبهدل القطه بتعتها كل يوم
5 - ومين فينا اللي هياكل القلب ده منقسمها 8 مثلثات احسن عشان كل واحد ياخد حقه
6 - الشوربه الوحيده اللي بعرف اعملها متنفعش مع البرد عشان شوربة سمك
7 - معنديش عربيه
8 -المفروض ان اليوم ده هيكون يوم اجزتي واكيد انا مش هقوم من النوم قبليها مينفعش نخليها عشاء ؟؟؟؟

وعلى رأي الشاعر اللي انا مش عارف اسمه

ومتزعلوش يا بنات لو قولنا بصراحه

عمر الجواز يا بنات عمره مكان راحه

وعجــــــــــــــــــــبي

وانا كمان عجبتنى برده تكرار كلمة كده وبالنسبة لردك ورد اغلب الشباب زى ما بتقول كنت متوقعاه علشان Sad

كده قلت لهبهوب خلى عندك امل واحد فى المليون انه يجى يوم والموضوع ده يحصل فعلا

الأخـــت المحترمة / الكونتيــــسه

اقتباس :: فى اي مناسبة عاطفية كده عيد الحب مثلا اشتري كام ورده حمرا بس تكون حقيقية يعني 10 او 20 كده وهات واحدة بلاستيك وحطها في النص وكارت صغير من المكتبة اللى على اول شارعكم واكتب: هافضل احبك لحد اخر وردة ما تدبل

جديده الحركه دي بصراحه وكده

ازاى تبقى رومانسى 74958797my6

تسلمي علي موضوعك الجميـــــــل

+*+*+*+*+*+*+*+*+*

الأخ / الفرعون

بصراحه تعليقاتك جامده جدا جدا جدا جدا

هههههههههههههههههههههههههههههههههههههههههههه

ازاى تبقى رومانسى 12wg9