نكت الجزء الثالث

مشرف عدد الرسائل : 80 تاريخ التسجيل : 28/03/2008

واحد مؤدب اتجوز واحدة مؤدبة ، الست حامل فى توأم ..فـ يوم الولادة قعد الدكتور ساعات يولدها ... عشان كل واحد من الطفلين عمال يقول للتانى .. لأ اتفضل انت الاول

واحد جاله جواب ومكتوب في اخره ..... ص.ب 44 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 44

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انتي بهيم دي بتاكل ذدرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه

حرامى رجع البيت يوم عيد ميلاد مراته وايده فاضيه ، مراته قالت له انت نسيتنى ولاّ إيييييييييييييييييييييييه ؟ فين الهدية يا راجل؟؟ ...قال لها لأ أبدا .. بس انا رحت للجواهرجى لقيته لسه فاتح

تزوج لص من لصه... فولدت له طفلا و لكن يده كانت مقفوله.... فاخدوه الى الطبيب ليفتحها فوجدوا بها خاتم الممرضه !!!!

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

واحد سواق ماشى على الطريق السريع بالعربية فشاف لافتة مكتوب عليها (السرعة مراقبة بالرادار خفف 50 كيلو ) فراح مخفف .....لقى لافتة تانية عليها خفف 30 كيلو فراح مخفف ......لقى لافتة تالتة عليها خفف 10 كيلو فخفف .......اخر لافتة اللى كانت مفاجأة لما قرأها و هى بتقول مرحبا بكم فى خفف

مره واحد بيقول لواحد صاحبه: اسكت مش انا حماتى ماتت امبارح... قاله يا ساتر يا رب... ماتت ازاى الست دى؟ قاله وانا واقف معاها فى البلكونه وقعت من الدور الخامس... قاله دى موته وحشه ... قاله لأ.. ماهى ماوقعتش على الارض... قاله امال ماتت ازاى؟ قاله وقعت على سلك الكهرباء... قاله يا ساتر يارب دى موته وحشه قوى.. قاله بس الكهرباء كانت مقطوعه... قاله امال ماتت ازاى بس؟ قاله اصل السلك نطرها في حمام السباحه... قاله ماتت غرقانه... قاله لأ طبعا... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟ قاله ما انا لما ما لقيتش فايدة رحت خانقها بالإيشارب

صرصار بيجرى ورا عربية صرف صحى سالوه ليه ؟ قال المغفل .. شفط المدام

مره صيدلي اتجوز صيدلانيه ...خلفوا عيل سموه تركيبه.... وبدل مايهشتكوه... رجوه

ديك و فرخه معدييمن من قدام محل شاورما ..الديك بيقولها شوفى اللى بيحصل للى مبتسمعش كلام جوزها

مره ولد ابوه بخيل قال لابوه انا حلمت ان انت اديتنى جنيه.... قاله ابوه : بس على الله يتمر فيك

مرة واحد بخيل قال لابنه روح هات شاكوش من الجيران راح ورجع قال له مالقيتش قال له شوف عند اللي فوقينا رجع وقال له مفيش قال له دور تاني راح وغااااااااب ورجع يقول له مش لاقي يا بابا قال له خلاص بأه هات اللي في الدرج

لم يستطع التلميذ الإجابة على أسئلة الامتحانات ، فكتب عبارة ( أنا مريض ) في ورقة الإجابة ..وعندما ظهرت النتيجة وجد اسمه في كشف الراسبـيـن ، وبجانبه عبارة ( سلامتك )!

مرة واحد قال لمراتة نكتة قلتلة ههه بيخة قلها ههه طالق

الزوجه: لقد رأيت جارنا يقبل زوجته لماذا لاتفعل مثله الزوج: هل تعتقدين ان جارتنا سوف توافق

واحده قاعده مع جوزها قاعده رومانسيه بتقوله: قولى حاجه تحسسنى بالامان وانا معاك قال لها:قسم البوليس

بخيل بيعمل شوربة لحمة لأولاده .... قالوا : بس ما فيش لحمة فين اللحمة؟؟ قال لهم : يعنى هو شاى الجوهرة فيه جوهرة

مره واحد شاف فى عالم البحار الغواصين و هما فى المايه راح أخد انبوبه الغاز و نزل بيها فى المايه .....و لما راحوا يبلغوا خبر وفاته لزوجته قالت انا كنت حاسه... ما انا قلتله ياخد معاه المنظم ما سمعش الكلام

مره واحد جه يًًزوّّر فلوس ، فقال يجرب فى ورقة بعشرين جنيه ...... فراح رسمها كويس قوي وكتب بدال العشرين .. 18 ... ونزل عشان يفكها ، فقابل واحد وقال له ممكن تفكها لي جنيهات فقال له الراجل زورتها ازاي ؟؟؟؟؟؟؟ قام خاف و خد بعضه و جرى ، و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفك لي الــــ 18 جنيه دي جنيهات ، فقال له ما فيش جنيهات فكه ، تاخد ورقتين بتسعة ..

اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد

فضولي شاف حادث قالهم وسعوا أنا أبو الضحية ولما وسعوله طلع الضحية حمــــــــار

في واحد بخيل ضرب ولاده ليه؟ علشان لقاهم مشغلين المروحه على تلاته وهما اتنين

طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصور فقال له لو مكنتش ابنى كنت قتلتك

بنت رجعت من البيت متأخرة أمها : أتأخرتى ليه البنت : أصل كان فى واحد بيعاكسنى أمها : طيب و ده يأخرك ليه؟ البنت : أصله كان ماشى على مهله

واحدة ست عند جارتها .... قالولها إقعدي تتعشي عندنا ....قالت لأ مش هقدر .......... بناتي عاملين رجيم وعايزة أدوقه

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

مرة 4 دراكولا قاعدين علي قهوة 3 طلبوا دم سخن والرابع طلب مايه مغليه ليه ...؟ علشان معاه دم فتله.

واحد بخيل وهو بيموت بينادى على اولاده: نادر هنا ؟ أيوا يا بابا... و كريم فين ؟ رد وهو بيعيط أنا جنبك يا بابا... قالهم انتو الاتنين هنا و سايبين نور الصالة منور ؟

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه

بخيل سألوه لو كنت بردان تعمل إيه ؟ قال : اقرب من الدفاية. قالوا له: ولو زاد البرد؟ قال: اقرب اكثر. قالوا له: ولو زاد الربد اكثر واكثر؟ قال اقرب اكثر واكثر. قالوا له: واذا زاد البرد أكثر واكثر واكثر ؟ قال اشغل الدفاية

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه رد اصلي اكتشفت ان اللي بحبها من عشرين سنه طلعت خرطوم

Admin عدد الرسائل : 285 تاريخ التسجيل : 11/03/2008

شكرا يا فرعون

بس مش ذي الاولنيين

مشرف عدد الرسائل : 80 تاريخ التسجيل : 28/03/2008

Admin كتب:: شكرا يا فرعون

بس مش ذي الاولنيين

التقيل جي ورا