في قط سكر ونام جنب قط ميت ....... لما فاق وشاف القط ميت جنبه ، قال انا حاسس اني عملت جريمه
سواق تاكسى ركبت معاة واحدة حلوة قال لها تعرفى تسوقى قالت لة لا .. قال لها انا تسوقى
واحد قتل حماته وفى القسم الظابط بيسأله اسمك ايه؟ قال له: اكتب فاعل خير .... انا مش بحب التفاخر
في بقرة دخلت السجن ليه ؟؟؟ شافوها تأكل حشيش
قال الشاعر :ليس كل ما يذاكره الطالب يفهمه ...... وانما تأتي الامتحانات بما لا تحتوي الكتب
مرة واحدة بتقول لجوزها عيد جوازنا بكرة هتجيب لى ايه؟؟؟ قال لها هنقف دقيقتين حداد الصبح
سال المدرس التلميذ : فى عام 1769 ولد شخص هام فى تاريخ فرنسا فمن هو ؟ اجاب التلميذ : نابليون يا استاذ ... ثم سال المدرس : وفى عام 1772 كان هناك حدث اخر ....... أجاب التلميذ : اصبح عمر نابليون 3 سنوات
قائد جيش بيقول لجنوده ... العدو من امامنا ومن خلفنا وعلى يميننا وعلى يسارنا ... يبقى مش هيفلت مننا المره دى
مرة واحد عايز يحتفل بعيد الطفولة ..... راح عملها علي روحه
الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة .....
واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى اطبخي بامية...
بمناسبة استقبال الآلاف لبطل ستار اكادمى ... فاثنين بيقولوا لبعض .. حقنا بقى ناخد اليوم ده أجازة رسمية كل سنة
ظابط علي المعاش فتح محل حلاويات سماه التورتة في خدمة الشعب
مره واحد عنده جموسه حرقها عشان ينزل اللبن مغلي
واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور
مره واحد كان ماشي في الشارع بيقول حماتي حماتي.... واحد معدي بيقوله مالها حماتك؟؟ قال له الحمار رفسها ماتت ، قاله كل الناس دي جاية تعزي في حماتك؟؟ قاله لأ دول جايين يشتروا الحمار
مرة غبى ابوة مات بعتة يتعالج برة
مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام
مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه
واحد كان عازم صاحبه على الغداء ... فصاحبه لقاه كل ما يطلب من مراته حاجه يقول لها يا روحى هاتى البطاطس ، يا عيونى شوية ملح ، فاستغرب الضيف قوى ، و سأله ما شاء الله 12 سنة متجوزين و مش بتنده لها غير يا قلبى يا حياتى ....فرد الزوج أصلى ناسى اسمها
مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله علىرجل الي جانبه
زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين
واحده عجوزه ماشيه في الشارع ...لقت مرايا على الارض ... اخدتها وبصت فيها.... فقالت: ليهم حق يرموها
واحدة قالت لجوزها : قولي كلمة تحسسني بيها اني مراتك ........ قال لها : روحي وانتي طالق .
صبى كسلان جدا شغال مع ميكانيكى كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم
الأحد يناير 13, 2013 1:25 pm من طرف Hassan Sayed
