معكرونة بطعم البيتزا

التحضير ..



كيس معكرونة – قشطة – ملعقتين جبن كرافت+ مايونيز- فلفل اسود– مكعب ماجي- ملح-طماطة مقطعة دوائر- فلفل اخضر بارد – زيتون اسود اواخضر اذا حابين- نقانق اومشروم اواي شي تفضلونة والأهم جبنة مبشورة .


طبعا تسلق المعكرونة وبعد انتهاءها تصفى وتضاف في ماء بارد لكي لاتتلبد مع بعضها .

وفي جدر نحط شوية زيت ومعاة مكعب الماجي ووووناخذ القشطة ونضيف معاها ملعقتين الجبن وملعقتين المايونيز ورشة فلفل الاسود والملح ..

ونحركة على الأقل 5 - 10 دقائق ونصفي المعكرونه ونحط الخلطة فوق المعكرونة ونحرك شوي ونحطة بطبق البايركس ..

ونضيف فوقة النقانق وبعدين الطماط والفلفل الأخضر والزيتون والجبن الشيدر المبشووووور ..

وللي يحبون الجبن قبل لايضيفون الشيدر يحطون كمن ملعقة صغيرة جبن كرافت ويساونة بالسطح

البايركس وفوقة الشيدر وندخلها الفرن من الأعلى لين تحمر ويذاب الجبن